– Eg er beæra og audmjuk over å ha fått prisen. For meg er dette ei fantastisk anerkjenning av arbeidet eg har gjort i Bergen og eit 2016 som for meg har vore ganske vilt. Forutan ferdigstilling av doktorgradsarbeidet mitt har eg hatt utstillinga ”Ecosystem of Colours” ved Reykjavik Art Museum, samstundes har ei bok om arbeidet mitt har blitt publisert og eg hadde separatutstilling med nye arbeid på slutten av året, seier Hildur Bjarnadóttir som synest prisar som dette bringer viktig lys på det visuelle kunstfeltet og motiverer til vidare arbeid.
Les meir om kunstnarens arbeid her
I juryen si grunngjeving står mellom anna dette: ”Hildur Bjarnadóttir hadde to utstillinger i Reykjavik i fjor som fremheva hennar unike posisjon og eksepsjonelle forståing av materiale og metoder. Hildur har i mange år vore Islands mest progressive tekstilkunstnar og har faktisk transformert korleis vi ser nytten og muligheitene for dette mediet. Utstillinga hennar i Vesthallen i Kjarvalsstaðir hadde tittelen «Økosystem av fargar» og besto av farga tekstiler. Hildur hadde henta fargane frå planter på eitt jordstykke i området Flóinn på Island. Prosjektet blir slik eit opptak (recording) av plassen og dens natur."