Avdeling: Møbel- og romdesign/interiørarkitektur
Nasjonalitet: Norsk
E-post: Lena-mari-kolaas@hotmail.com
Korleis skape ein meir levande by, eit betre bumiljø og ein betre urban struktur som fremmer menneska, og ikkje bilen?
Eg ynskja å skape ein heilskapleg løysning på fortettings- og einsamheitsproblemet me har i dagens samfunn. I dagens urbane samfunn er norma å bygge tette og tronge bygg. Store leilegheitskomplekser der utbyggjaren tenar mest mogleg pengar for å bygge dei minste leilegheitene med open stue/kjøkken/gang løysningar, Laila-soverom og så små vindaugsflater som ein gjer løyve til i byggeforeskriftene. I desse nye leilegheitene har ein liten tilgang på tilfredsstillande fellesområder, grøntområde og uteareal, og det er generelt lite fokus på å tilrettelegga for noko anna enn ei fortsetjing av asfaltjungelen. Min hypotese er at dette fører til ein auka følelse av isolasjon og einsamheit, og fleire opplever depresjon som ein konsekvens av dette. Korleis kan me i dagens samfunn skape leilegheitar og eit offentleg miljø der ein i større grad kan ha eit delt fellesskap og ein meir effektiv og sosial bruk av plass?
Den aukande aktualiteten rundt det å skulle bu på nye, alternative måtar har vore ein inspirasjon, samstundes har eg valt å sjå tilbake på historia rundt det å bu, og det å bu i by. Det var viktig for meg å skape noko nytt, samstundes som ein kunne sjå og kjenne att gamle verdiar.
Gjennom å utvikle sitt eige konsept rundt eit bygg som først og fremst er tiltenkt bilen, om til noko som er tiltenkt byen, har eg skapt eit prosjekt som er aktuelt i forhold til problemstillingane rundt transformasjon av bygg, fortetting i byen, einsamheitsproblemet og eit stadig større ønske blant folk om å kunne bu på ein alternativ måte. Mitt prosjekt vil kunne bidra til eit auka fokus på desse områdane, og vil framstå som eit godt eksempel på korleis ein kan jobbe vidare med å utvikle både gode byar og urbane bustader.
I framtida skal fleire av oss bu i byane og me vil trenge meir plass og fleire gode byrom der me set menneska i sentrum og ikkje bilen i sentrum. Parallelt med at fleire flyttar inn til byane, får me stadig fleire husstandar som består av ein person. Ein må kunne leva nærmt kvarandre, men ikkje trongt. Me må sette fokus på å skape betre, smartare og rimelegare leilegheiter, i stadet for å ha fokus på å bygge ein stor mengde små og tronge leilegheiter. Strukturer som har openheit, som legg vekt på å dele og opnar opp for ein uformell møteplass med naboane bør få meir fokus og meir plass i dagens og framtidas samfunn.